Fasnacht 2012

...lächte Empfang!

Unsere Ufftritt bi Telebasel

	Paar Antiquitääte syn miir uns go hoole: E Ming-Vase us China, e Krone us Poole, E Bild vom Da Vinci, vom Ur-Hirsch e Gweih. Und denn no s Pfund Fleisch, us der Coop-Metzgerei.
	Es schnuure doch alli und daas isch nid glooge, Vom Fink, jo däm Voogel, wo uf Hamburg isch gflooge. Vom FCB-Vogel, schnuurt gar der Schawinski. Jedoch ybers Veegle, schnuurt me nur im Kindsgi.
	Mir dien iiber Schwänz und au Titte nyt bringe. Und vo Ärsch und Hodesegg scho gaar nyt singe. Drum gälte mir Wyybuure do, Gott sei Dangg! Vom Niveau här ganz klar als ghobene Bangg.
	Delifon: „Wöschmaschyyneservice, Meier und Söhn.“ „Hier Sorbas ich hab mit Maschine Problem.“ „Herr Sorbas als Griech do mien Sie, dasch nid glooge, Vor em Sparprogramm zerscht d Frau Merkel go frooge.“
	Uf aimool blyybt s Auti stoo, zmittst in der Nacht. Es blitzt und es rägnet, es donnert und gracht. Pflotschnass dien mir z Fuess Wald und Gstrüpp yberwinde, Bis pletzlig mir uns vor däm Schloss wyderfinde. Do goot das Tor uf, s Blut das gfriert, s Muul wird troche, Will drinn sinn d Tamara und dr Baschi am koche.
	Delifon: „Polizeiposchte Lieschtel, do isch der Herr Wachtelmaa.“ „Sie, ich ha gseh ain raase mit 280 Kmh.“ „Und wo hänn s en gseh, mir mien dää sofort hoole.“ „Jo... dä isch grad hinter mir und versuecht z yberhoole.“
	Mir hänn drei Ferrari und siebe Bugatti, Vier Porsche, säggs Rolls Roys und finf Maserati, Acht MG und zäh Lamborghini Gallardo, Nur leider vom ÖV grad numme ei Abo!
	Delifon: „Do d Garage Franz Meier, gits was wo nid lauft?“ „Jä ich ha bi Ihne gescht en Auti kauft. Mit Syteufprallschutz und s neischt Navisyschdeem. Mit Hybridmotor und zwor Creme de la Creme. Mit vollautomatische Heizinstrumänt, Wo s Fuudi dien wärme, au Rugge und Händ. Mit Bildschirm und Taschtatur zem fyrehole. Mit zädausig Film und en X-Box-Konsole. Mit Liftigsventil wo sälbscht dien regulieere Und Kameras wo hälfe s Auti parkiere.“ „Und wo bitte isch denn s Problem, froog ich Sie?“ „Jä mi nämmts nur Wunder, wo stygt me do yy?“
	Bi de neischten Autis, isch s Navi derbi. Deert gisch denn per Taschte e Feriezyl yy. Denn kriegsch noch drei Däägli per Expressversand, Es Kärtli mit Foti vom Auti am Strand.
	Vyyl Gläubiger hänn scho lang e BIZ um s Kapital afo bange. Friener hets uf der Citybangg Raiffyse gstemmt, volle Kanne. Sy Beerse isch voll Klütter gsi und isch am Gäldmärt go flaniere, Het Aggtie-Bildli gsammlet und isch oft mit sym Pfund go spaziere. Doch wäge der Wirtschaftskryyse het s Kapital sy Kurs verloore. Rettigsschirm sinn zwor no uff, doch Valore fliegen em um d Ohre. Pletzlig grübelt äs der Oswald, raucht Villiger und duet lache. Lossts an der Hypotheke nomol richtig grache, bevor äs sich vom Ackermann duet mache. Ganz Derivat und vellig Banggrott, Stygts in sy Wegelin und faart ihn zu Schrott. D Moral vo der Gschicht, die isch uns bekannt: Faaret niemols Auti, nach ere Fläsche Hildebrand.
	Die hyttigi Telekomunikation, Die isch doch der Schliissel zer Integration. Mir wurde gärn me sage, doch das gieng z lang, Will leider hänn mir do e schlächten Empfang.
	„Wäge Personalmangel und niedrigem Loon, Isch der Notruefcomputer jetz am Delifoon. Bi dringendschte Notfäll, drugge Sie bitte jetzt: S 1..3..1..4..6..7..7..7..9...8..3..6..7..8..“
	S Russelied Vo Kasachstan bis Tschetschenia! Gits Gäld wie Heu vo Mafia! Und de bescht Frind vo Mafia Isch President in Russia! Refrain: Hoi hoi hoi hoi hoihoihoihoi Gäld wie Heu Hoi hoi hoi hoi hoi hoi Gäld wie heu, Hey!! Statt Handel mit Kalaschnikov! Gits Billignutte mit hibsche Kopf! Personefreizyygigkeit isch nit doof. Hyt zellt halt wieder „Peace and Love“! Grosspapi isch gsi bi KGB! Mit Bsitz vo Land mit Eel huffe! Fyr Änggel het das vyyl Gäld ge, Drum will är Fuessballclub kaufe! XAMAX-Spieler finde s doff! Sie kriege keine Ball an Kopf! Und fyr Tschaggajew, statt Stroganoff, Gits nur Wasser mit Butterzopf!