Fasnacht 2010

Umamma Afrikaaa!

	Der Naggtscanner macht son en Art Wärmebild, Denn rächnet dä Rächner die Date wie wild. Die wärde denn gframed und als Bild projeziert. Jetz wisse d ihr wie s Männerhirn funktioniert.
	Wie guet gseet me do jetz dä scheen Untergang. E kurze Momänt voller Stolz, voller Drang. No ai Mol ganz kurz, mit knirschende Zehn, ...
	... Luegt dr Couchepin fyyre und sait: „Isch muss gehn!“
	8 Stund sinn mir gfaare zem d Merkel go loose. 5 Stund het die gschwätzt, vo politische Schose. Daas isch doch e Frächheit, daas ka me nid bringe! Jä mir hänn doch gmeint, d Lady Ga-Ga wurd singe!
	„I ha di grad letschti gsee, mit dääre Frisuur! Ich will die doch au, wie machsch das nuur?“ „De muesch numme rasch, und dasch nid zem lache, Der Franco Costanzo e bitz hässig mache."
	D Miss-Schweiz-Kandidatinne sinn nid ganz hell. Kai Aanig vo Bärge, vom Bund und vom Tell. In Biologie sinn sie aber rächt guet: Sie wisse, wie der Hirschmann, sich fuurtpflanze duet.
	Mechtsch Arztkeschte spaare, lytsch am Telmed uff. Die Ärzt wissen alles und s git gar kai Puff. Au Daarmspieglig biete die Teleärzt a, Nur kunnts deert halt uf d Greessi vom Heerer a!
	Delifon: „Jetz loose Sie bitte, i kumm nid zer Rueh. Kuum fahr i bitz schnäller, denn schlot är scho zue!“ „I saag Ihne ebbis, s isch nid schlächt, phersee, Das Ganze mit däre, Black-Box-Idee!“
	Der Bugatti ganz Smart, sait kuum e Wort. Är striichlet sy Jaguar und goot denne Ford. Denn giesst är sy Lotus und duet bitzli schimpfe, Will Morgan muess är sich gege d Maserati lo impfe. D Honda, sy Frau, die mit em sexy Mini, Serviert ihm e Täller sälbergmachte Lamborghini. „Lexus mir doch am Porsch!“ Schreit är pletzlig irritiert! „Worum hesch du dini Neegel cadillackiert?“ „Hyunday triff ich mi,“ sait sie lut schluchzend, „Mit em Aston und em Martin und eme andere Dutzend.“ „Da Skoda-ber nid, ich bi doch kai Dodge, Ich Opel ha Nissan dänggt, dass mi nid wotsch. Zur Stroof muesch jetz aber und das isch kai Scherz, Zwai Wuche uf Libye und zwoor mit em Merz!“
	Am Sitz vo der UNO, het me bim Entstaube, E Abheersyschdeem gfunde, dasch kuum zem glaube! Doch d UNO maint zfriide, daas syygi no guet, Gääb s weenigschtens ain, wo no zueloose duet.
	(D Wyybuure dien usdriggsdanze.) Das Usdruggsgedanze, daas duet sich scho loone, So bikemme mir vom Morin, drei Millioone Subventioone!
	Delifon: „Hilfe, der Minu isch us em Färnsehgrät gstiige. Jetz kunnt är zu mir und mecht uf mi liige!“ „Loose Sie bitte guet zue, liebe Maa, Sie hänn no vom Kino, d 3D- Brillen a.“
	Afrika-Lied: Umamma Afrikaaa Umamma Afrikaaa D Nati goht go schuteee Uf Südafrika oleee oleee Und schyynt e d Sunne voll abeee Denn gitse dört e Hitzfäldeee Es seit de Wölfli Marcoooo zu Diegooo Benagliooooo Schwierig wird s zum begatteeeee Kriegsche de Ball voll an d Latteeee Behraamiii, Behhrammiiii, Isch nid gross und au nid kliiii Und De Hakan het kei Konditiooon Wääge Babyproduktioooon Denn am Flughafeeeee Wänn alli Fraueeee Der Nkoufu gsehhhh Und zwor am Nacktscaneeee Uff YouTube luege...