Fasnacht 2006

10 Joor Wyybuure

Unsere Ufftritt bi Telebasel

	Do hänn zwai Brobleem, daas isch gaar nid scheen. Daas isch gaar nid scheen, do hänn zwai Brobleem. Brobleem sinn nit scheen, s duet uns laid ass mir s bringe Und unser Brobleemvärs als erschts scho dien singe.
	Die "Limite 80" schyynt e gueti Sach, Sunscht ligt wägem Fyynstaub e jede bald flach. Bim Limite-Yyhalte sind allem Aend, Nuur d schwyzer Skifaarer do gaar konsegwänt.
	"Limite 80" Joor, wäär zimlig schlau, Denn hätte mir kai Stress mit der AHV. Mit "Limite 80" Joor, s däät uns scho gwääle, Miest me wiider ganz nei e Bundesroot wääle.
	Mit "Limite 80" Weerter am Daag, Daas wäär fir e Frau e schwiirigi Laag. Nuur so weenig Weerter bis Zobe daas schluucht. Bis denn het e Maa numme 7 verbruucht. "Limite 80"!!! Sepp Blatter duets gaggse Und het drum bi 80 au ufheere waggse.
	E "Limite 80" Kilogramm Gwicht. Fir schwyzer Primaarschieler, daas wäär e Gschicht. Fir d Leerer wäär daas sicher ai riise Spass, Denn hätte sii nuur no zwai Kinder pro Klass.
	E "Limite 80" IQ git e Raiz, Fir d Dailnaam an d Uusschaidig vo der Miss-Schweiz. ...
	... Und wottsch Mister-Schweiz wäärde, e scheene, e fite, Denn daarfsch die 8 IQ kai fall iberschritte.
	Im Friejoor "08", do wird aaber gfyyrt, Denn hän miir s ganz Joggeli modernisiert: Neis Dach, neie Duurm, neii Stiel neii Schrängg Und die vom Tertianum hän all neii Glängg.
	Die oberschte Leerer dien midenand ringe, Ob d Studie vo Pisa au eppis duet bringe. Do sait ain:  "Mit Pisa lauft vyyl besser tutto!" Und bstellt sich per Händy e Pisa-Proschutto.
	Delifon: "Do isch s Helgofoon. Was hän Sii fir Soorge?" "I will äntlig my Wienachtsbaimli entsoorge." "Jä leese Si d Halterig, mi guete Maa." "I ka nit, der Vosseler kettet sich draa!"
	Der Sony vom Ericsson macht bitzli priide. Uf sim Motorola e Sunrise in Siide. Do gseet är die hibschi Nateli mit Huet, Wie s sich mit em Farbdisplay vollschmingge duet. Sie haig uf der Stiirne, daas seig zem verregge, Graad drei Megapixel, die muess si verdegge. Der Sony wird Orange und frogt fascht scho kess: "Wie wär s mit uns zwai und bitz mms?" Aer ziet sich schnäll uus und zaigt syy Antenne. Si gyggst: "Vodaphone"! Und will mit em penne. Jetz schälle all Ruefteen und si will no meer, Doch, bivoor s ir Swisscomt, isch si Akku scho leer. Si het alles gä, doch si, waas griegt si? Nuur bitzli M-Budget und Prix-Garantie. Si zuggt ir MP3 und killt en, s isch woor: Nok Nok Nokia on Heavens Door. Und jetz unseri Message, nämmets mit hai: O2 can do! Aber lieber ellai.