Fasnacht 2004

"Jä griess ech, do..."

Unsere Ufftritt bi Telebasel

	Ains dryssig, ains vierzig, no zwanzig Seggunde Es sinn zwai Minute, glyy drei iiberwunde Drei zwanzig, drei dryssig, drei vierzig und scho Isch s meeglig im Wooghoof e Zälle z verloo
	Delifon: "Jä griess ech, do Hueber. Isch deert d Schuggerei? Bi miir hinden im Gaarte, isch ai Riisegschrei!" "Ou nai, nit scho wiider. Dä Thyp isch e Gwaal. Si sinn im Tertianum, daas isch deert normaal!"
	Vo Afrika kemme die Zugveegel aa E scheen waarme Winter hänn sii deerte ka Doch wäärde s vo Kuugele verschränzt wie Girlande Wenn sii do vom Siide här z Ziiri wänn lande
	Delifon: "Jä griess ech, do Yakin, i find daas gemain, Paris het nit welle, bii wiider dehaim. I hätt doch z Paris wellen aimool, ojee, So gäärn dä scheen Duurm wo so schieff stoot mool gsee."
	Der Micky isch rächthaaberisch, dominant Isch konservativ, männlig und gaar bikannt Finfesibzig Joor alt, dä griegt me nit doot Worum isch denn dää noonig im Bundesroot?
	Delifon: "Jä griess ech, do Bieli, i due s nimme raffe, Bi däm Kindergschrei kaan i aifach nit schaffe!" "Wo sinn Si? I schigg ene baar Lyt zem go loose." "I giib do graad Stunden im Schuelhuus Dreiroose!"
	Däm Drämler hänn woorschyynts all Gaischter verloo Dä het sich dängg d CVP als Vorbild gnoo Aer isch gschwinder gfaaren und het uusbrobiert Wie s isch wenn men Aahänger schnäller verliert
	A........eh.........b.............o...............em I.........eh.........a.............ehm...........o Ki.........se..........d...........ä...............ih Um.........se...........w...........es.........ki
	Delifon: "Jä griess ech, do Hinni, jetz wiird regglamiert, Dää Schnitzelbangg voorhäär het niemerts kapiert!" "Daas isch gaar kai Bangg gsii. Jetz leen Si uns doch syy. Dasch d Moderatioon vo der Wätterfee gsii!"
	Baar Diirgge hänn Panigg und d Metzler die au Sii goot zem Herr Couchepin, dää duet wien e Pfau Im Bundeshuus wiird alles graad unterbroche Die Calmi haig mit eme "Kurt" letschti gsproche
	Ai Vodka, zwai Vodka und aimool um s Huus Ai Vodka, zwai Vodka und nomool um s Huus Ai Vodka, zwai Vodka no ainisch um s Huus Denn s Zmidaag und schlooffe, dinnen im Huus Ai Vodka, zwai Vodka und aimool um s Huus Ai Vodka, zwai Vodka und nomool um s Huus Ai Vodka, zwai Vodka no ainisch um s Huus Denn s Znacht mit baar Vodkas und nomool um s Huus Iir gseend liebi Lyt, daas koschtet scho Pfuus Do ständig die Vodkas und ständig um s Huus Wenn d all Daag trenieersch und zwoor noch däm Stiil Denn wiirsch Fuessballbroofi bim Fuessballclub Wil
	Delifon: "Jä griess ech, do Steffen, daas kaa me nit bringe, S isch Zääni gsii heere Si bitten uff singe." "Fir Juungi und Faasnächtler bruucht s aber Blatz." "I woon in ere Stadt, also halt jetz der Latz!"