Fasnacht 1997

D „PHARYNX“ UND D „EPIGLOTTIS“ SINN WIEN E SCHIINE
DUUR „OESOPHAGUS“ UND „CARDIA“ DIRÄGGT IN „VENTRICULUS“ YYNE
DIIR UND MIIR VERSTEEN KAI WOORT MIR WANN NUR ZAIGE ES STINGGT IS !
DOO VERSTOOSCH GNAU SO NYT WIE AMENE INTERVIEW MIT DR HINGGIS

DR EINSTEIN HET E THEORIE ENTWIGGLET UND DIE ISCH RELATIV
DR FIPPE REIS HET S DEELIFOON ERFUNDE WILL ÄÄR ISCH JO KOMMUNIKATIV
DR OTTI VO GUERICKE HET ZAIGT DASS VAKUUM EXISCHTIERT
UND DR KARLI FRIEDRICH HET S EERSCHTI VELO GRAD SÄLBER UUSPROBIERT
DR JAMI WATT HET DAMPF GMACHT MIT SYYNERE MASCHIINE
DR EDISON HET D GLIEEBIIREN ERFUNDE JETZ GSEET ÄÄR IIBERALL YYNE
SOKRATES PLATO UND GALILEO DIEN MIR DOO AU NO NENNE
ALLES ZIMLIG GSCHEITI LYT WO ME AIFACH SOTTI KENNE
AIN ISCH AABER S GEEGEDAIL DÄM SOTT ME EMOOL AINS HAUE
DÄM WO DIE YDEE GHAA HET DIE ABKIIRZIG DOO Z BAUE

IM STÄÄRNESYYSCHDEM R205 SAIT DR AINT UUSERIRDISCHE ZEM ANDER
„EN INVASION E BOMBE JEEMERLI NAAI WAS FLIEGT DOO UMENANDER?“
DO SAIT DR ANDER: „GYGGS DOCH NIT ES ISCH NIT SCHLIMM MUESCH NIT ESOO GAFFE
ES ISCH HALT NUR WIIDER EMOOL DR NICOLLIER AM SCHAFFE“

GOOSCH EMOOL ZEM DEELIFOON MIETISCH E BUS UND LAADSCH YY
DR PETER BODEMAA UND DR CHRISCHTOF BLEECHERLY
D HINGIS MAMME DOCHTER UND DR MARC ROSSET AU
EN YTALIÄÄNISCHE MATSCHO UND E LINGGI NÄTTI FRAU
E DEFFLIFAARER VO DE „HELLS ANGELS“ UND EIN VO DE „BANDIDOS“
AIN VO CAARDINAAL UND DERZUE FÄLDSCHLESSLIS BIGBOSS
UND BAAR NO UUS EM BALKAN SUNSCHT HET DAAS GAAR KAI SINN
D BÄÄRNER SCHUGGEREI UND BUURE WO NIT ZFRIIDE SINN
DENN FAARSCH DUU NO ZIIRI YYNE UND DUESCH SE DEERT ABLAADE
DAAS GÄBT DENN ZEM ERSCHTE MOOL E GUETI „STRITT-PARAADE“

DR CEDRO S KLINGELI UND S CASINO HÄNN JO RÄCHT LANG OFFE
AU LÄÄDE WO LENGER OFFE HÄNN HANN ICH SCHO AADROFFE
ZEM BYSCHPIIL HET ME MIR DR COOP UND DR APERTO INNIGGSCHT EMPFOOLE
OFFE HET AU S GFÄNGNIS SCHO KAASCH DEERT DR GANZI DAAG WAFFE HOOLE

ALLI DIEN SICH ZÄMMESCHLIESSE SCHYYNS GOOT S DENN DERNOO VYYL RINGER
D CIBA MIT DR SANDOZ D NAZI MIT EM FRINGER
D VOLGGSBANGG UND D KREDITANSTALT S KOHLEBÄRG MIT EM HOLBEIN
S MNG MIT EM RG NONEM MOTTO: MACH VO ZWAI DOCH AIN
MIIR LUEGE IN D ZUEKUNFT UND SAAGEN EICH WEELI SICH NO ZÄMMESCHLIESSE
DR BANGGVERAIN MIT DR SBG DAAS WUURD ME JO BEGRIESSE
S UELIBIER MIT EM FÄLDSCHLESSLI D SBB MIT DR BVB
DR PAUL ULLRICH MIT EM BLAUGRYZ DR VFB MIT EM FCB
S SWISSCHALET MIT EM HUGUENIN S ZIC ZAC MIT EM PAPI JOO
DR STADTKANAAL MIT DR TELECOM DR COOP MIT DR MIGROOS
DENN KUNNT DOO AIN DR „PFYFFE-FRITZ“ UND SAIT OONI SICH Z GENIERE
ES WÄÄR DOCH TOLL WUURD JETZ NO D SCHWYZ MIT THAILAND FUSIONIERE

LETSCHT JOOR HÄNN MIR E STUDIE GMACHT IIBER ALLI ZIIRCHER GANZ GNAU
WIESOO SINN SII SOO WIE SII SINN UND WIESOO SINN SII NIT SOO SCHLAU
DR GRUND DERFIIR SINN BEGGEREIE ME GSEED WAAS DIE DOO MACHE
WENN SII WYTERHIN IN ZIIRI MIT DIERMÄÄL WEGGLI BACHE